қонақ
Iзат. Қонақ өсімдігінің дәні, тұқымы. Аман бұрыла жүріп, өз үйінің егінін көрді. Биыл екі пұт бидай, бір пұт сұлы, бір аяқ қ о н а қ салған (Ғ.Мұстафин, Дауылдан кейін, 6). Демек, бұл Ақбоз емес. Оған ауыр болады деп, Біркімбай қ о н а қ жегізбейді. Ақбоздың жемі – арпа мен сұлы (Т.Әлімқұлов, Ақбоз ат, 210).
II
зат. мед. т а б у. Қызылша ауруы. Қытай қазақтары қызылша ауруын қ о н а қ деп атайды. Оның негізінде атын тура атаса, ауру келіп қалады деген халықтық наным-сенім жатыр (С.Мұстафаұлы, Қытай қаз. тілі. 19).