құмтүлек
зат. Қауырсынындағы уақ ноқаттарына қарай тастүлек кейде осылай да аталынады. Қырандар жасына қарай: балапан, қантүлек, тірнек, тастүлек, қ ұ м т ү л е к, қана, жана, барқын, баршын, шөгел деп аталады (Ана тілі, 14.02.2008). Жасына қарай бүркіт былай аталады: 1 жас – балапан, 2 жас – қантүбіт, 3 жас – тірнек, 4 жас – тастүлек (қ ұ м т ү л е к), 5 жас – мұзбалақ, 6 жас – көктүбіт, 7 жас – қана, 8 жас – жана, 9 жас – майтүбіт, 10 жас – барқын, 11 жас – баршын, 12 жас – шөгел (Саятшылық, 79).