ұран
зат. көне. муз. Қазақтың керней пішіндес ұлттық саз аспаптарының бірі. Ал бұл күнде музыка аспаптарымыздың қатарына шертер, керней, асатаяқ, шаңқобыз, үскірік, сазсырнай, жетіген, дабыл, ұ р а н, бұғышақ, үш ішекті домбыра тәрізді т.б. аспаптар қосылды (Лен. жас, 13.07. 1977, 3). Қазақта ертеде ұ р а н дейтін аспап болған. Жауға шабарда пайдаланса керек (Қаз. әдеб., 14. 01. 1977, 2). Бұған дабыл, даңғара, дауылпаз, шыңдауыл, дудыға, ұ р а н секілділерді қоссақ, музыкалық аспаптың қаншама көп екендігін аңғарамыз (Бұл да).